السلام عليكم ورحمة الله وبركاته ..
أهلاً بيكم من جديد في النظام الآمن للأمهات أثناء الرضاعة .. $
لو حابين أننا نجدد في الرجيمات أول بأول
إدعموا التطبيق، علشان أحس أن الموضوع فارق معاكم فعلاً ..
الدعم بعمل تقييم خمس نجوم لتطبيق دايت كلينيك على متجر جوجل بلاي$
نبدأ أولاً وعلى السريع بذكر بعض النصائح وبعد كده هنقول جدول الأكل والاختيارات الصحية للوجبات ..$
الأم خلال فترة الرضاعة بتحس بالجوع مرات كتيرة على مدار اليوم وعلشان رجيمك ينجح لازم تقسمي وجباتك خلال ساعات اليوم، مش تعدي وجبة الفطار والوجبة الخفيفة، وتيجي على وجبة الغداء تبقي مضطرة تآكلي كمية كبيرة جداً، وأعلى من المقررة ليكي في الدايت.
واللي هيساعدك في تفادي الجوع والأكل بكميات كبيرة، هو الحرص على شرب الماء على مدار اليوم.
على قد ما تقدر حوالي تنامي كويس، أنا عارف أن الموضوع صعب، مع الرضيع، لكن اضطراب النوم وعدم أخذ كفايتك من النوم بيكون عامل في ثبات الوزن$
الرياضة مش مطلوبة في البداية وخصوصاً إذا كانت ولادتك قيصرية ..
يهمني كمان نصيحتين تركزي فيهم ..
النصحية الأولى
متستعجليش النتائج
كده كده أنتي طالعة من الحمل وزنك زائد
استعجال النتائج هيضرك ويضر طفلك
بالتالي بلاش محاولات التقليل في كميات الأكل لضمان سرعة نزول الوزن
كده بتظلمي نفسك وبتضري صحتك وبتظلمي طفلك طبعاً ..
خليكي حريصة فقط على أنك توفري أكلات صحية في البيت ومتوفريش العكس
بحيث في أي وقت تكوني جعانه متلاقيش الأكل اللي سعراته الحرارية مرتفعة جداً ومش مفيد لصحتك، وتلاقي الأكلات اللي تدعم نزول وزنك وسعراتها الحرارية تكون مناسبة وتسمح لك بمعدل نزول آمن، وكمان تفيدك وتغذيك وتغذي الطفل.
النصيحة التانية ..
متبدأيش رجيم بعد الولادة إلا لما الطفل يكون بدأ أنه يعتمد في التغذية على أي مصدر آخر بجانب الرضاعة.$
عندنا خمس وجبات في اليوم$
اختيارات وجبة الفطار
- 2 علبة زبادي + نصف كوب ذرة حلوة
- 3 معالق كبيرة شوفان + كوب حليب كامل الدسم + معلقة عسل نحل أو ثمرة موز
- نصف رغيف عيش فينو أسمر + بيضة مسلوقة + قطعة جبنة قريش + خيار أو خس
- 3 معالق كورن فلكس + كوب حليب كامل الدسم + معلقة عسل نحل أو ثمرة موز
- 2 بيضة مسلوقة أو مقلية + نصف رغيف عيش بلدي + طبق سلطة صغير
- 2 معلقة فول + بيضة مسلوقة + رغيف عيش سن + طبق سلطة صغير
- 2 معلقة كبيرة لبنة + بيضة مسلوقة + نصف رغيف عيش بلدي + طبق سلطة صغير
$
اختيارات الوجبة الخفيفة الأولى
بين الفطار والغداء
بعد الفطار بساعتين فيما فوق ..
نصف كوب حمص
أو
نصف كوب ترمس
أو
ملعقة كبيرة زبدة فول سوداني + ثمرة تفاح
أو
2 ثمرة فاكهة
أو
قبض يد من المكسرات ويفضل اللوز غير مملح
أو
كوب حليب كامل الدسم
$
اختيارات وجبة الغداء
أساسي في وجبة الغداء يومياً
طبق سلطة (طماطم، خيار، جزر، فلفل أخضر وألوان، خس، .. )
أو
طبق خضار محضر بطريقة صحية من الخيارات الآتية
(بامية، كوسة، بروكلي، فاصوليا خضراء، لوبيا خضراء، ملوخية، سبانخ .. )
مع الخضار المطبوخ دايت أو ني في ني أو السلطة
هنختار حاجة من دول ..
6 معالق أرز مسلوق
أو
8 معالق مكرونة
أو
6 معالق لسان عصفور
أو
نصف رغيف عيش بلدي
أو
6 معالق فريك
أو
6 معالق برغل
مننساش في الغداء الدهون الصحية مثل زيت الزيتون نستخدمه في تحضير الأكل أو نضعه على السلطة
وطبعاً البروتين بتاعنا هنختار حاجة من دول ..
علبة تونة بدون زيت
أو
ثلث كيلو سمك مشوي
أو
نصف صدر فرخة مشوي أو مسلوق
أو
2 قطعة لحمة مشوية أو مسلوقة بوزن 200 جرام
أو
150 جرام كبدة مشوية
أو
150 جرام مشروم + 2 بيضة مسلوقة
او
سمكة مشوية + 100 جرام جمبري مشوي أو مسلوق
أو
3 معالق لوبيا + قطعة لحمة مشوية أو مسلوقة بوزن 100 جرام
أو
طبق عدس بمقدر (كوب)
أو
طبق فاصوليا بيضاء بمقدر كوب إلا ربع + 2 بيضة مسلوقة
فعلى سبيل المثال وجبة الغداء ممكن تكون
6 معالق أرز مسلوق + طبق سلطة كبير + سمكة كبيرة مشوية + 100 جرام جمبري
أو
3 معالق لوبيا + قطعة لحمة + 6 معالق أرز
أو
طبق فاصوليا صغير + 2 بيضة مسلوقة + 6 معالق أرز + طبق سلطة
$
الوجبة الخفيفة الثانية
بين الغداء والعشاء
ثمرة فاكهة $
اختيارات وجبة العشاء
2 علبة زبادي
أو
2 بيضة مسلوقة
أو
كوب حليب + بيضة مسلوقة
أو
قطعة جبنة قريش + خيار أو خس
ولحد هنا يكون انتهى النظام
طبعاً اللي في بالك دلوقتي ..
كمية الأكل كتيرة جداً ..
فهفكرك
أنك في فترة محتاجة تتغذي فيها كويس جداً جداً
علشانك وأكيد علشان طفلك
فمش معنى أنك عايزة تخسي أنك تخسري صحتك
وصدقيني الرجيم بفضل الله صحي
وهيساعدك تخسي
ويكون ليكي تجربة جميلة جداً معانا